內地商務部近日表示，正醞釀多項刺激消費的措施，據知內地將涉及以舊換新、商業用電電價以及信用卡等方面，怪唔之得尋日內需股亦見異動。但其實大家都唔需要太過驚喜，皆因一直以來，國家已多次重申增加內需消費的重要性，故切勿作過分憧憬。
之不過，其實尋日唔少股份都見回勇，就連日前被高盛唱好的內銀股，亦再度發力向上。加上內地亦有傳，存款準備金率將再度下調，以及央行放水達800億元人民幣，故消息就更一步刺激內銀股做好，當中以交行（03328）升幅最多，升3.68%，收報7.87元。
至於早前股價已調整唔少的新能源以及資源股，尋日表現亦唔輸蝕，同樣有回升之勢。況且，這些股份早前確實已回落不少，相信現階段反彈，力度應該唔會嘢小，值得再加以跟進一下。咁講開又講，尋日內地第二單IPO出爐，據知，消息就令內地券商股直線向上，唔排除今日在本港上市的內地證券股，都會有啲睇頭，不妨留意一下。
（小尾）