沽晒止蝕專心業務

點知顧明均話自己本身唔多買股票，最近嗰次買股票喺去年三月，佢話嗰時有啲閒錢，諗住試吓投資，但係佢話買咗股票之後，成日心掛掛去睇市，集中唔到做公司嘅嘢。為咗集中做公司嘅業務，佢今年三月已經忍痛止蝕離場，估唔到沽晒啲股票之後，個市升得咁快，佢話暫時都唔會再買股票喇。

公司早前再提出私有化，顧明均話打算每日都會出通告話畀小股東知，公司每日全面要約接納水平，提高公司喺私有化過程嘅透明度。顧明均早前更同小股東食飯溝通，睇嚟佢真係用實際行動打動小股東喎！

佢話截至尋日為止，南太接獲超過6,068萬股股份之有效接納，佔要約股份總數約27.4%，有效接納佔南太全部已發行股份及投票權約6.88%；全面要約下個星期二就會截止。

余絲韻