上周大市守住17,600點，部分資金亦開始入市買吓嘢，內地掟錢大搞基建，中鐵（00390）係受惠嘅一員，月初宣布一項價值101億元人民幣工程中標，累計今年共中標七項大型工程，涉及1,271億元人民幣，表現相當唔錯。今次外面熱錢流入，唔少就係為咗尋找一啲穩健投資，今年至今，中鐵新簽定單超過2,000億元人民幣，睇怕今年全年將超過去年嘅4,284億人民幣總數，被看高一線當然合情合理。

近期大市回調，中鐵股價亦從7元反覆回落至50日線5.77元並守住，上周五見初步反彈，似乎回調已足夠，並正重新發力，短期有機會上試8元，而止蝕位可放於5.5元。

古晨