同名同齡同行業

絲絲即刻搵恒生嘅朋友八吓啦，點知朋友話未收到總經理張喜帖。呢種情況只有兩個可能性，一就係總經理未派帖（或者無諗過派帖），另一個可能或者係有同一個叫馮孝忠嘅銀行家小登科。

世事無奇不有，絲絲覺得，純粹兩個叫馮孝忠嘅人資料相同都唔出奇，如果巧合屬實，總經理到時搵番呢位同名、同姓、同齡嘅同行，亦會係一段佳話。

睇真啲呢段註冊處嘅資料，兩個人嘅婚姻狀況都寫住「未婚」，再細心啲睇，絲絲發覺向北看果然係大趨勢，女方姓葉，報住地點係深圳，職業一欄填上記者，相對較年輕添，睇嚟銀行家發展內地「業務」，兩地加強緊密合作，都係未來嘅大方向。

絲絲又諗，如果登記人真係恒生總經理馮孝忠，以佢嘅人脈同下屬數目計，真係掟「紅色炸彈」都掟到手軟。

余絲韻