回應李小加「我隻鞋唔大」

周文耀Last Show，除咗小記依依不捨，主禮嘉賓上台致辭時亦特別提到周文耀即將離任，並多謝佢多年來對交易所嘅貢獻。前晚至同候任行政總裁李小加食飯嘅蔡陳葆心，亦話李小加喺飯局都讚揚周文耀，蔡太亦好認同佢嘅睇法。對於李小加前晚話「Big shoes to fill」（有好多改善空間），自己有好多嘢要向周總學習，周文耀亦謙虛回應一句「My shoes are not big」，兩任總裁隔空對話，都算精彩。至於兩人如何交接？周文耀就話過渡期會一齊處理交易所事宜，管理團隊亦會支持李小加，如未來3年策略計劃，周文耀亦會將佢介紹畀其他交易所認識。

馬時亨腰圍減到33吋

尋日李小加為免成為酒會風眼，識做地冇嚟，絲絲喺酒會見到另一個嘉賓馬時亨，佢身形比前Fit好多，洋名係Fred Ma嘅佢，被老友行政會議成員張建東笑話應改名為Fit Ma，馬時亨笑說自己腰圍減到33吋，啲褲都要改。所謂無官一身輕，馬時亨真係最佳寫照。周文耀明年初退任後，又係一身輕，明年今日會唔會以股東身份出席酒會，大家拭目以待！

余絲韻