大市連跌四日，完全反彈無力，空軍不停空襲港股，震散唔少信心。雖然大市連升多月，作出回調亦合情合理，但近日跌勢總有些怪異，是否真的狼來了現時尚未確定，不過提高警覺似乎有所必要。
人氣低迷，鑊鏟友要搵食難度自然提高，勤力啲做吓功課自然亦有得益，昨日內地股市回升，煤炭板塊應記一功，炒上主要係煤炭價格回升。海嘯前焦煤價格要成3,000元人民幣一噸，海嘯後直插至1,000元，現時又反彈上1,600元，看來仲有得升。
福山能源（00639）一直致力提高精煤比例，現時焦煤價上升，當然對盈利有幫助啦。內地煤炭股開始炒上，本港煤炭股勢必跟隨，福山本身細細粒，好炒過啲大國企，勝在升得快嘛，近期大市回吐其股價都唔多肯跌，一於吼實佢，如果成功破頂，有力見5.5元，而止蝕位最好放於3.5元。
古晨