樂基擬攻京滬樓市

Vincent當然第一時間上網試用，MPPC顯示，100個屋苑最新平均呎價為3,838元，較舊年十一月低位足足升咗14.87%；如果想要更詳細嘅資料，網站入面亦提供18區、近200個屋苑嘅樓價走勢，以後買樓前只要上呢個網睇吓，就可以慳番唔少時間。

內地經濟持續穩步發展，本港唔少財團密密南水北調，以開拓新發展機會，好似啱啱以約2.6億元沽出佐敦數碼廣場全幢嘅樂基集團，其少東何宗盛向Vincent透露，公司近年除咗積極於內地多個省市發展IT（資訊科技）業務外，目前亦計劃喺北京及上海等一線城市，搵吓有無合適的房地產發展，主因係內地樓市復甦快，相信長遠大有可為。

據了解，樂基集團啱啱售出的數碼廣場全幢商業及酒店物業，涉及金額約2.6億元，揸貨約六年多，帳面勁賺約1.62億元，獲利幅度超過1.6倍，買家係六福集團（00590）。

（Vincent Lau）