系統唔掂卜架喊走

聽卜架講，正由於呢期興炒股仔，而且唔少仲係啲久久未有炒作過，一係唔發市，發市當三年，所以平時佢哋都要做定啲功課，至少睇吓啲股仔改咗個乜嘢新名，做緊乜嘢業務，可以炒乜嘢概念，唔使畀啲客問到口啞啞。

有卜架報料，近期大市交投暢旺，卜架行競爭相當激烈，早前本欄講過有卜架行嘅網上交易系統頻頻出問題，搞到班靠自己炒賣賺佣嘅卜架拍枱走人，聽聞有其他卜架行立刻招手，開出條件仲幾吸引咁話。

公道講句，卜架行都要時不時提升吓啲交易系統水平，事關班卜架靠呢樣「生財工具」搵食，正所謂「小財唔出，大財唔入」！

余絲韻