89年Lafite超底價7倍

管理層一共捐出咗30件珍藏品，最後全部賣晒出去，拍賣品平均獲叫價兩次，最多仲畀人競投咗8次。其中最搶手包括一支89年Lafite，原本叫價1,500蚊，最後以底價嘅近7倍成交，成交價1萬蚊，較市價仲要高出一半。

絲絲覺得最有心思嘅係，花旗香港區法務部總監陳美珊拍賣嘅自家製蛋糕，投得者最後揀咗甚有品味嘅朱古力蛋糕，據聞會用嚟慶祝另一位同事嘅生日，員工們確有口福。

另外，花旗尋日公布委任林鈺華做花旗香港營運及科技部主管，下月頭生效，接替即將過檔中銀香港（02388）嘅李永逵。林鈺華係花旗自己人，喺花旗做咗26年，原本做緊花旗亞太區企業及商業銀行營運總監。

余絲韻