本文重點
西鐵九龍南線快將於下季通車，市場預計新界西北區樓市勢再掀升浪，各大代理行已爭相磨拳擦掌，部署增加區內人手及分行迎接生意上升。中原方啟明同Vincent講，今年以來旗下元朗區人手已增20人，較原來只40人急升50%，期內亦於區內增設一間分行，由於預期通車效應會支持區內樓價及成交量急升，下半年公司仍會不斷增聘人手及開設新分行。
他指出，受惠於通車日子逼近，近排元朗區外區客睇樓量已顯著上升，帶動一線屋苑如YOHO Town及新元朗中心樓價升勢凌厲，兩者目前平均呎價分別3,600與3,000餘元，較去年低位大幅反彈近30%及20%，升幅跑贏大市。
美聯張子存亦說，公司於元朗區內的人手今年已增10%至20%，年底前料再增10%至20%人手及增設分行。香港置業李志成稱，公司計劃重新進駐元朗，現正物色於區內開舖及增聘至少十多人。
深水埗舖開價唔使10萬
本港失業率高企，唔少人都想試吓喺逆市創業，不過搵舖位做生意真係一啲都唔易，Vincent就八到下個禮拜有兩個開價唔使10萬元嘅商場舖位公開拍賣，其中深水埗金盟大廈時尚廣場一個3樓舖位，面積121方呎，開價8萬元，呎價只係661元。同場仲有元朗宏發大廈2樓32號舖，面積122方呎，連租約開價9萬元，呎價738元。
（Vincent Lau）