上周五港股一開市就經已升穿19,000點水平，最高更曾見過19,161點添，一眾18,800點至19,100點嘅熊仔熊女，又再次壯烈犧牲。之不過，及後恒指愈睇愈唔對路，由升轉跌，但尾市買盤又再見積極，恒指最終以一點之差，突破了六月一日所創的近期高位18,888點，收報18,889點。呢個點數，唔理係唔係有人特登做成，但恒指又似乎真係跌唔落。所以都係重申番之前嗰句，寧願冇方向，都無謂偏向任何一方，以防踩中地雷！
講番個別股份，受豬流感（H1N1甲型流感）影響，部分藥業股仍見繼續炒上，惟至今已累積一定升幅，故認為利好因素已反映在股價之上，實在不宜高追。之但係，眼見市場資金再度流入汽車股，好似華晨（01114）以及長城汽車（02333），上周五就分別上升15.38%及9.93%，走勢絕不亞於藥業股，加上仲有汽車下鄉補貼以及銷售增長支持，不妨繼續留意。
（小尾）