港股上周五終於突破19,000點，創下今年新高，可惜未能收於高位。近幾日資金轉戰大股價，單單隻建行（00939），過去三日成交都超逾60億元，反映資金持續流入追貨，並繼續保持輪流炒，炒完股仔又轉炒番大嘢，早前炒起嘅基金股，如果見回氣唔死得，又係留意之時。
我古晨就幾鍾意隻光國（00257），內地現時大炒環保概念，炒股係炒國家政策，環保係一大課題，光國喺○三年就已經轉型成環保概念股，一直發展亦唔錯，現時環保項目嘅營業額已增加至17.35億元，過往亦一直係基金眼中的環保龍頭股。五月光國跟隨大市升至2.68元回頭，上周隨着股仔發威而回氣整固，不過近日跌至20日線已經跌唔落，如果基金重新埋位，以佢落後其他一眾環保能源股嘅幅度，炒起上來隨時可以升到你唔信，暫時以3蚊做目標，值得趁低吸納，止蝕位可以放2.2元。
古晨