公司有位女同事同佢一樣有呢鋪癮，佢主要係研究世界各國唔同地方食肆用啲乜嘢食物嚟配乜嘢酒，仲將王朝旗下各種唔同嘅酒分類嚟配啲唔同嘅中國食物添，白總見呢位女同事咁有心機，所以惟有忍痛將全部心頭好統統上繳，依家每次嚟親香港食嘢，收集到啲餐牌都會拎多份畀呢位女同事。

食物與酒配搭講究

絲絲有次同白總食京菜，配上王朝唔同種類嘅酒，喺未食嘢之前，首先飲番杯王朝嘅有汽酒（即香檳，但由於唔係法國香檳區出產，所以唔可以叫香檳）開一開胃先，跟住就開始食啲北京涼菜伴王朝獲獎無數嘅乾白葡萄酒；然後進入主菜，食北京填鴨、清蒸魚就伴白葡萄酒，到咗食牛肉時就飲埋紅酒；最後到食甜品嘅時候，就伴佢哋嘅冰葡萄酒，呢類酒由於係由結咗冰嘅葡萄造出嚟，水分較多，所以味道偏甜，配甜品真係幾正！

絲絲真係大飽口福，估唔到原來中國菜配各種葡萄酒都可以好Match。

余絲韻