港法治制度健全

見到李業廣，絲絲自然問佢幾件近期大家關心嘅事，譬如係候任港交所行政總裁李小加，Charles Lee（李業廣）講Charles Li（李小加）有乜嘢火花呢？李業廣話，佢可能見過李小加，但並唔認識佢，所以好難評論，但既然港交所遴選委員會揀選咗佢，自有佢哋嘅理由。

大家亦好關心上海二○二○年成為國際金融中心，會否威脅香港嘅地位？李業廣就好氣定神閒話佢自己唔太擔心，因為一個成功嘅國際金融中心，最緊要係投資者信心，而投資者係咪有信心，係建基於一個地方嘅法治係咪健全。佢話香港嘅法治制度大家有目共睹，連普通人都可以控告政府，呢樣嘢唔係好多區內市場可以做得到；除此以外，喺香港做生意，好多嘢都清清楚楚。

絲絲同意，香港嘅法律制度優勢真係得來不易，大家應該好好珍惜，唔好自毀長城！

余絲韻