大市持續於高位整固，恒指在萬九點前虎視眈眈，雖然股仔近日轉靜，不過沽壓依然不大，好多只係原地抖氣，仍然保持高位。其實自五月炒股仔以來，好多股仔累計升幅都幾誇張，幸好多作高位整固，未見大幅回落，反映熱錢尚未炒完，至今都係轉轉炒、轉轉上而已。
三四線股炒過一轉後，資金又轉炒番啲消息股，好似隻深圳國際（00152）咁，剛剛宣布悉售手持嗰1.08億股南玻股份，成功套現，即是話今年盈利已有保障啦。現時市場資金充裕，昨日已見率先回升。
其實早前深圳市政府公布的深圳綜合配套改革總體方案，已經獲得國務院批准，而深國旗下的基建及物流業務最受惠，本身已經可以看高一線，再加上今次套現成功，成副開車格局咁，近日股仔回靜，深國隨時一舉炒上，暫時先睇0.68元，止蝕放於0.5元。
古晨