本文重點
中國人嘅足迹遍布世界各地，君不見連法航嗰架死亡班機，都搭載咗幾個中國同胞？絲絲聽聞，失蹤者之中有一人用咗二十四萬人仔買保險，若佢真係遭遇不測，賠額竟然係保額嘅四十倍，高達九百六十萬人仔，將創下內地有史以來嘅最大個人保險賠償！
按保額賠40倍
呢份咁令人咋舌嘅保單，有傳係同中國財險（02328）持有百分之十四股權嘅人保壽險買嘅。咁高賠額嘅保險喺香港見怪不怪，但喺內地又的確唔常見，除非買家係好有米之人喇，但原來保單嘅條款係好奇怪。呢份保險係分紅年金產品，保險金額只係二十四萬，但係唔同死法有唔同嘅賠償，例如喺保單生效一年後因病身故或全殘，可獲保額十倍嘅賠償；喺一百八十日內因非空難因素而身故或全殘，可獲二十倍賠償；喺一百八十日內因空難身故或全殘，可獲四十倍賠償。
余絲韻