本文重點
經濟衰退下，人人勒緊荷包唔想使錢，航空公司生意難做，但絲絲知道，呢個世界永遠有逆市奇葩，喺全球航空公司叫苦連天之際，美國大陸航空不改其擴展業務計劃，剛喺三月開通上海來往紐約新航線，又搵咗港機工程（00044）改裝20架波音777客機嘅設備，仲話喺二○一一年開始，將有25架波音787陸續付運。
亞洲區運力逆市升
公司區域總監李永仁（Wyn）同絲絲講，佢哋今年亞洲區運力已增加6%至7%，點解可以不跌反升？Wyn話其實公司喺歐美航線減咗運力，但因為亞洲新開紐約來往上海航線，連埋改裝飛機後多咗嘅機位，所以運力升咗。
講開航線，墨西哥嘅豬流感（H1N1甲型流感）愈嚟愈勁，唔知對佢哋有無影響？Wyn話都有啲影響，美國大陸航空喺墨西哥有30條航線，因為呢次流感已縮減該航線一半航班，但佢強調對公司影響唔大。
余絲韻