本文重點
市道唔好，連一向無價講，專走高檔路線既發卡機構都唔例外，據聞佢哋今年張細頭仔金卡卡主，可慳番唔使畀650元年費，有別於之前最多都係收到禮券幫補，至於其他更尊尚客戶有冇份獲豁免？則要視乎個別情況。
舊年啲細頭仔金卡卡主，都只係收到600蚊禮券，以年費650元計，仲要現兜兜畀幾十蚊。不過，依家經濟唔好，呢招應該唔再可行，高檔發卡機構都算識做，直頭唔使你畀。
其實啲頭仔卡年費確實唔嘢少，金卡嘅650元年費已係廉價，白金大頭卡同埋白金細頭卡年費，分別高達1,600元及5,500元。
喺眼下隨時朝不保夕嘅日子，大家都盡慳，據聞唔少卡主為咗慳埋啲年費，直頭取消晒啲卡。睇嚟有銀行因為賣唔到財富產品，轉為以增收客戶費用幫補嘅做法係行唔通。
星展港龍卡十月底「夠期」
講開又講，繼舊年國泰飛起花旗夥拍AE，今年港龍都同另一間銀行劃清界線，星展張港龍卡到十月底就冇，港龍嘅後着係咩？大家估吓。
余絲韻