本文重點
唔經唔覺，東航（00670）新任董事長劉紹勇已經返新工超過百日，近日佢大談百日維生嘅感受，當中劉總一句：「如果想讓一個億萬富豪變成百萬富翁，那就讓他去辦航空公司。」真令絲絲感到佢百般壓力在心頭！
每日蝕4000萬人仔
響東航返工百多日，見慣風浪嘅劉總回想上班既第一個星期，公司平均每天虧損四千萬人仔，而佢收到嘅第一封信，就係「要錢既律師信」，接待嘅第一批員工，就係七名要辭職嘅飛行員。據公司員工話，為咗盡快了解公司嘅實況，劉總仲一星期內馬不停蹄咁開咗成廿個內部會議添！
自稱唔係神仙嘅劉總話，一個企業就好似一個人一樣，如果患咗重病就需要一段時間去調養，而且需要用「有絕招嘅藥」！佢認為，首要任務係提升員工、乘客同股東對東航嘅信心。
制訂256條「止血」措施
除咗信心，對東航來講黃金都好重要，除咗獲國資委多次注資，東航仲制訂出256條「止血」措施，而且對公司嘅高管減薪10%至30%。
除此之外，劉總更加為公司打造出「東航時間」，何為「東航時間」？就係要公司全體將手錶調快10分鐘，究竟點解？絲絲唔清楚，但唔知第時坐東航嘅飛機需唔需要提早10分鐘上機呢？
余絲韻