本文重點
筆者最近喺中環遇上一位朋友，呢位仁兄做電腦設備生意，正要到中環區送貨。閒談期間，友人話要送廿幾部電腦顯示屏到一家卜架行，唔講唔知，佢話呢幾個月來，呢間卜架行每月都向佢哋攞十幾廿部電腦顯示屏，佢都覺得奇怪，點解要換得咁頻密。
期指淡友受重創
有次佢上到間卜架行，見住成班卜架坐喺度睇市，突然一個卜架起身用勁一擲，打爛咗個電腦顯示屏，仲好嬲咁叫人幫佢換個部新嘅。聽講個卜架係專做期指盤咁話，而呢間卜架行點解經常要換電腦顯示屏，亦真相大白。
事實上，據卜架報料，呢兩個月大市係咁升，唔少散戶都唔敢追貨，無沾手熊證已算萬幸，期指淡友就受重創。
直至近期大市企穩喺高位，散戶對大市信心才有所增強，並樂於炒作細價股。之不過，「散戶指數」高漲係咪出貨訊號，就要留待各位自行判斷喇！
余絲韻