本文重點
全球唯一根據遠古記載原大體積而建嘅馬灣公園挪亞方舟，尋日正式開放予公眾參觀，新地（00016）執行董事陳啟銘話，集團為挪亞方舟成為香港全新嘅國際性旅遊地標感到十分雀躍。
港嶄新旅遊地標
佢仲話挪亞方舟係香港前所未有嘅嶄新旅遊設施，新地作為發展馬灣公園嘅發展商，由籌劃至今本着建設美好家園，實踐「以心建家」嘅精神，全力支持興建呢個獨一無二嘅公園，宣揚愛與和諧，推動愛生命、愛家庭、愛地球，建立社會正面價值觀，尋日有份參與嘅主禮嘉賓喺典禮上齊齊擊鼓，鼓聲雷動，寓意方舟精神響遍全港，嘉賓又合力為巨型油畫添上妙筆，將象徵「愛」與「生命」嘅方舟精神傳遞每一角落。
根據政府與馬灣公園嘅協議，挪亞方舟以商業模式營運，自負盈虧，政府毋須注資作為營運資金。營運團體可以按設施及活動收取合理費用，以支持營運開支。
余絲韻