本文重點
金山軟件（03888）點解改名叫金山呢？原來同「孝」係好有關係嘅。董事長求伯君話，呢個名係公司始創人之一嘅張旋龍所改，皆因張爸爸個名有個「鎧」字，於是就將呢個字拆開變咗做金山啦。
查實求董一聽到有關改名嘅問題即刻大笑話，家陣應該只有佢先知道答案，搞到絲絲當時以為佢一定係有份參與改名，譬如當年想賺到有金山、銀山，又或者軟件中都可以有金山咁話。
係始創人阿爸個名
不過佢即時好正氣咁話，其實個名係張先生喺香港創立公司時改嘅，主要因為張爸爸嘅名有「鎧」字，所以靈機一觸，用張爸爸嘅名，改名叫金山。聽完佢嘅解說，先知道原來金山呢個名係咁有意思。
講開又開，金山起初喺香港係做硬件生意，後來求董加入公司就搞埋軟件生意，除咗辦公室軟件，仲做埋網遊。
余絲韻