早前講過，在現今這個資金市底下，主打都係消息股，所以真係千祈唔好輕視國策的刺激，好似尋日受惠國家鼓勵汽車家電的「以舊換新」拉動內需計劃，一眾相關概念股都被大幅炒上。之不過，由於該政策所帶來影響，未算即時性質，故尾市時升幅收窄，尋日大升完畢，今日或會回吐。
尋日細價股的升幅，真係大到你唔信，收市埋單計好多隻股份都有逾一成升幅。炒風咁熾熱，相信短期都有得跟，當中資源股及新能源股便接力向上。
新能源股繼早前指扶持政策將出台外，尋日再有消息指，國家相關部門今日將再召開新能源相關會議，因此中國風電（00182）昨升16.3%，收報7.1元；陽光能源（00757）升14.2%，收報2.72元。表現咁硬淨，加上有利好消息，料今日仍續有升勢，值得留意。
至於資源股方面，雖然部分大價資源股已見炒上，但市場上一些細價資源股的走勢仍然相對落後，故料後市仍不乏追捧，不妨尋找一下。
（小尾）