本文重點
「肥死簿」真是一項偉大發明，不但可以大大拉近同朋友之間的距離，在無聊時更係打發時間的必備佳品。不過對於希望員工專注於工作的公司管理層來講，「肥死簿」絕對係大敵，聽聞有間可以在返工時間玩「肥死簿」的美資投行，最近竟然都要迫於同業壓力，全面封殺相關網頁，搞到個辦公室怨氣沖天。
迫於壓力一齊冇得玩
其實金融機構為求員工專心工作，封殺社交網站是好平常的事。金占士一早都聽聞，除咗呢間美資大行管理作風較為開放之外，其他國際性金融機構一律禁止員工返工時玩「肥死簿」。殊不知，最近就連這間美資行都要淪陷。
有老友向金占士訴苦，話件事完全係無風起浪，全因同屬美資的「牛仔行」有員工唔抵得點解人有我冇，向管理層爭取福利，要求與同業睇齊，可以大家齊齊玩「肥死簿」，件事搞大咗，最後結果竟然是呢間美資行要迫於壓力，實行大家一齊冇得玩，相信呢一點就連「牛仔行」員工都始料不及。
金占士相信，管理層的出發點都係希望各位員工「工作時工作，玩樂時玩樂」，始終各位金融業精英手上分分鐘控制住幾億資金上落，如果因為一時疏忽引致不必要的損失，就大家都唔想啦。
金占士