本文重點
港股連升7個交易日後終於斷纜，恒指尋日升穿250日平均線後最終都守唔住，後市會點，好多人都話唔識睇，其實絲絲都好想有人指點迷津。多次睇中後市嘅瑞銀顧問陸東，原來喺上月底已估到今輪升浪，仲話恒指目標係17,600點，照咁講恒指尋日咪達咗標？
于正人一早收到料
絲絲尋日同瑞銀股票風險管理產品執行董事于正人（Johnny）傾開對大市睇法，順道問咗句：「你老友陸東又點睇呀？」點知真係有收穫，Johnny話：「其實上月二十二日同佢食飯時，恒指仲喺14,900點左右，佢話如果升穿16,000點，可再升多10%。」
陸東喺瑞銀由研究部主管轉做顧問後，依家主力搞好自己間基金公司。計計數，萬六點加10%即係17,600點，尋日恒指高見17,685點後回落，唔通真係咁準？惟有拭目以待啦！
余絲韻