港股尋日表現反覆，早於上周，古晨一直都話炒股唔炒市，無謂估頂，否則好易挾親。不過，尋日港股走勢似短期見頂，就算呢個禮拜入場炒，都要打醒十二分精神，一有唔對路，真係走為上着。
尋日藍籌股普遍下跌，個別中資股亦回軟，中國海外（00688）係少數逆市上升藍籌股，升1.7%，報收14.76元。中國海外四月份合同銷售表現理想，計入現金回籠，以及早前供股集資所得，保守估計手上持有的現金將提高至190億元人民幣，財務狀況強勁，有助今年增加土地儲備，可望進一步提高資產淨值。
內地樓市在過去數個月的成交持續增長，主要由用家入市所帶動，估計下半年會有投資者重新入市，延續樓市升勢。除咗內地樓市氣氛得以改善外，若然內地經濟下半年反彈，樓價可望繼續回升。古晨建議買入，短線目標價16.3元，跌穿13.8元止蝕。
古晨