受惠國家正制訂新能源產業振興計劃，由於當中涉及新能源的發展指標，將較以往大幅提升最少一倍，而涉及太陽能光伏產業的發展目標，亦將較原來的目標擴大四倍，因此尋日一眾新能源股表現，亦都一如小尾預期般突出。
不過，相信焦點仍然落在大市的升幅上，港股尋日再接再厲，已經連續第五個交易日上升，升穿埋16,800點水平，又有74熊證再被強制回收，估唔到呢個「SELL IN MAY」在五月份第一個星期入面，就令好多熊仔熊女損手爛腳。
今日就係建行（00939）股權解禁日，市場上再傳正備受壓力測試所困擾的美銀，將有機會配售手頭上建行股份，以求套現去捱過呢個難關。不過，建行方面，就表示至目前為止，都未收到有關減持的通知，且強調即使美銀自身面臨財務壓力，但對他們長期合作的願望都不會改變。究竟美銀會唔會沽建行，小尾就唔知，但點都好啦，建行係唔少股友們的愛股，所以點都應該要多加留意。
（小尾）