播放本新聞相關短片
 
股價號碼: 

絲絲講場:同克魯格曼食飯盛惠五萬八

本文重點
去紅館睇演唱會,「山頂位」同前排位價錢當然有分別,要同曾經準確預測亞洲金融風暴,攞埋舊年諾貝爾經濟學獎嘅普林斯頓大學教授克魯格曼同枱食飯,當然要付出一定代價,咁究竟要幾多?答案係58,000元(人民幣‧下同)。若只想見大師一面,價錢則只係十分之一,即5,800元。

四類門票最平5800

點解絲絲咁清楚同大師食飯見面嘅價錢?因為絲絲手頭上有份克魯格曼大師嚟緊喺大陸嘅活動資料,大師期間將會走訪上海及北京,既出席電視台節目,又會出席論壇發表演講,更會舉行貴賓午宴,同貴賓影相留念。

大會既然千辛萬苦請到大師到訪,當然要搵番夠本,所以大會門票都分四類,最平係5,800元嘅嘉賓席位,即係可到大會見吓大師嗰隻;畀9,800元則可做貴賓,除咗出席大會仲可以到貴賓席就座;而畀夠18,000元嘅至尊席位,則可到前排VIP就座(個位仲有埋閣下個名),兼且獲大師親筆簽名書本;而畀得58,000元嘅榮尊席位,除可以坐到前排,仲可以同大師一齊食餐飯!細心睇吓價錢全部8字尾,你話中國人幾咁講意頭。

余絲韻

你認為港股已踏入牛市嗎?
詳情瀏覽on.cc《請即投票》