《金融時報》有報道話美銀要集資逾300億美元，先有資格通過聯儲局銀行壓力測試，市場揣測美銀日內會配售建行（00939）。不過，港股對呢個所謂壞消息反應唔大，恒指升逾2%，報收16,834點，成交額804億元保持暢旺。古晨堅持個市一日未死得就可以炒落去，股市咁旺場，可以留意證券股。
結好控股（00064）呢隻本地證券股可以話大落後，尋日股價升7%，成交亦見上升，走勢初現突破，應該仲有得去。結好三月份曾增持金都酒店權益至50%，及以象徵式代價2元，收購金都娛樂50%，連同貸款9,860萬澳門元，並提供1億元免息貸款，該筆貸款則為金都娛樂場提供經營所需短期資金。
結好藉呢個機會投資多元化至澳門酒店業務，而且收購金都娛樂場，公司亦有機會投資於澳門博彩業務，相信當澳門市道復甦時，有助大大提高結好的資本收益。
古晨