本文重點
中芯國際（00981）香港代表陳慧蕊話畀絲絲聽，佢哋○八年嘅年報封面係由一班患有脊髓肌肉萎縮症嘅人士設計。佢話自己做律師嘅時候，有朋友生咗個仔，不幸患上脊髓肌肉萎縮症，佢朋友慨嘆政府對呢個病症嘅資助太少，因此親自成立咗脊髓肌肉萎縮症慈善基金培訓及幫助呢類病人。陳慧蕊話事隔十幾年，基金入面有好多成員畢業，好想睇吓佢哋嘅成就，所以○八年年報就採用佢哋嘅設計，而佢自己間中都有參與該基金嘅活動。
定收支平衡目標
另外，中芯好鼓勵員工喺公餘時間進修。絲絲八到今年中芯有80幾名員工喺上海大學攞到畢業證書或大專文憑。
講開又講，中芯國際已連續蝕咗好幾年錢，陳慧蕊話公司如果要喺二○一○年達到收支平衡，就必須要達到幾個條件，包括產能使用率能提升到80%至85%、公司嘅45納米及65納米晶片能順利投產、二○一○及二○一一年嘅折舊開支可分別按年下降13%及11%。
佢仲話，上海實業（00363）有意將持有中芯嘅股權轉移到上實母公司，由上實母公司持有中芯嘅股權，代表上實增加中芯嘅支持度喎。
余絲韻