今年A股首季表現理想，就連手持大量A股的國壽（02628）亦公布，由於首季投資回報理想，集團期內純利上升55%，至53.87億元人民幣。事實上，今年首季A股除錄得不俗升幅外，整體成交量亦見增加，從中可推斷，A股暢旺得益的應該唔只國壽，相信證券股今年首季業績也可帶來驚喜，值得留意。
大市方面，道指上周五做好，港股今日高開機會大，但臨近期指結算，相信全日走勢應繼續呈好淡爭持局面，股友們炒波幅時，真係要打醒十二分精神，小心被挾親。
此外，上個禮拜市場再傳，外資行有意減持內銀股套現，消息為內銀股造成一定沽壓，加上聽日就係高盛手頭上50%工行（01398）股權的解禁日，縱使早前高盛已承諾於明年四月二十八日前，不會將所持工行股份的80%變現，但唔排除會沽出20%股權，故本周內銀股走勢依然疲弱，想趁低吸納仍未係時候。
（小尾）