好多人想好似全球首富蓋茨咁有錢，蓋茨老爸William H. Gates就出咗本書──《Showing Up for Life》，道出教仔良方，佢話好多人問佢點樣弄出個首富來，究竟有何秘密，佢話其實無秘密，因為自己都唔知。
不過身為首富父親，William話要培養如蓋茨般嘅頑皮仔，一開始就要畀佢自由，由得子女決定人生路向，換句話講，即係子女夢想絕無設定任何限制，但父母同時亦要有心理準備，子女達成夢想嘅過程未必如父母嘅想像。
William話蓋茨年少時曾與朋友仔搞公司，專門統計馬路上行車數量，仲誇張到請西雅圖市政府嘅人到家中做示範，結果套系統失靈，生意做唔成，但就道出每項成功多由失敗開始。
中途喺哈佛大學退學嘅蓋茨，曾令父母好不安，但佢答應父母終有一日會返哈佛攞番個學位。佢亦信守諾言，○七年七月回到哈佛領取其名譽法學博士學位。
余絲韻