放完幾日假，都係時候收拾心情，古晨相信今日個市都係升，事關在復活節假期間，內地股市升勢凌厲，外圍其他市場亦做好，港股重上萬五話咁易。不過，古晨擔心滙控（00005）又話卡數有三千幾億爛數，唔知仲有冇需要集資填氹，呢個係做淡唯一藉口。
既然內地股市氣勢如虹，買中資股肯定穩陣。粵海投資（00270）今年都算落後，幸而近日基建水務股又熱炒，粵投成交漸趨暢旺。上周四報收3.34元，升1.2%，再次逼近中期橫行區頂部，隨時突破。
粵投每次炒作，均以母公司注資作藉口，雖然至今十畫仍未見一撇，但一直未落實，反而提供更多炒作機會。加上粵投每年來自東江水的收入可觀，超過1億元的現金流，具有一定財務優勢。一旦落實任何注資項目，粵投的股價再升兩三成唔係問題。
古晨