一個硬幣可能只係值十蚊甚至幾毫子，重量只有幾克，但集腋成裘就不可小看，香港電車就將過去十年從車資中收集到共重達10.6噸嘅外國硬幣，捐贈予慈善機構奧比斯，以幫助培訓眼科醫護人員，同時推動多個發展中國家嘅救盲工作。
車資收集積少成多
奧比斯香港籌募發展總監劉慧思就話，感謝電車多年來支持，今次捐贈行動係本着積少成多嘅理念，將一分一毫化作愛心，讓有需要人士重見光明。
絲絲知道10.6噸外國硬幣非常重，但究竟值幾多錢，就真要睇投入電車收費箱嘅外幣係邊個國家嘅貨幣喇。不過，對於有咁多人將外國硬幣投入作為電車車費，就真係有啲意外啦。
余絲韻
