關智斌搞「師生戀」 五勞七傷？
藝人關智斌（Kenny）、陳凱琳（Grace）及賭王四房千金何超欣昨日現身中環，出席「Raze360全方位防護」期間限定體驗店活動，與老闆Vincent Fong言談甚歡。Kenny被問到好兄弟張致恒欠債一事，他說：「呢排大家都忙，佢喺社交平台回應咗，我唔想再加多句。（唔關心佢幾時還錢畀你？）冇特別問，唔記得咗喇，等佢處理屋企嘢先。（幫佢介紹工作？）佢上咗人生一課，要自己面對，希望佢一家好好哋生活。」
他又指近日忙於進修唱歌、跳舞及演戲課程，練到五勞七傷。記者追問是否有「新朋友」，他說：「好多朋友，唔知講緊邊個！我係同啲老師建立咗感情。（師生戀？）再咁落去冇人敢埋身喇，生人勿近呀！」
陳凱琳怕再生冇碇企
至於剛榮升姑奶的Grace透露未「飲茶」：「細佬諗住等疫情完咗先擺酒。」又指外甥多似舅，細仔Yannick與弟弟似樣，而大仔Rafael開始讀書，由於早已做足「心理輔導」，故未有爆喊的情況，離家時更會主動戴口罩。提到她稍後「復工」主持節目，她說：「暫時唔拍劇住。（追多個女？）如果再生孖胎又係仔嘅話，我冇地方企喇！」