港足兄妹檔等待躍起

成長於大圍新翠邨的3兄妹和一般港產球員一樣，足球起點就是屋企樓下的球場。「中一開始同『文政』落去踢波，踢到11點熄燈先返屋企，仲畀阿媽鬧！」22歲的大哥「文軒」憶述他和年輕4年的弟弟「文政」成長的片段。「文政」還記得有次踢到樂而忘返，和朋友聊至深夜，回家卻被媽媽「拒諸門外」。

三兄妹與大多數香港人一樣，在屋邨中茁壯成長。	屋邨後樓梯都是他們的練習場所。	馬文政（左）今季於晉峰獲多次上陣機會。（晉峰Fb圖片）

Krista獲哥哥啟蒙獨愛踢波

不單兩兄弟，就連埋藏着妹妹馬芷悠心中的足球種子，也在球場的石屎裂縫間茁壯成長。「去球場睇哥哥佢哋踢覺得好好玩，所以試吓踢，就算畀人撞低我都唔會喊！」現年7歲的Krista直言最愛踢足球，走廊、升降機口及球場，都是她的表演舞台，難怪3歲起就到足球學校接受訓練。

雖然3兄妹年齡相距甚遠，但同樣處於各級足球起步階段。大哥馬文軒踢過東方及太陽飛馬青年軍，去年暑假代表理大與流浪友賽後，踏上職業足球路：「嗰場我表現幾好，有人介紹我畀流浪，跟到臨開季左右收到合約，諗都冇諗就簽咗。」二哥馬文政中學時透過何國泉介紹投太陽飛馬，球會解散後輾轉踢過東方和元朗，直至前季轉投晉峰，在總教練何信賢的鼓勵下，上季開始上一隊鍛煉，後來更隨隊升超。「『何Sir』叫我唔好當自己係細路，人哋練兩個鐘，我要再加操。佢好照顧我，唔想辜負佢。」「文政」說。

初登港超兩兄弟望循序漸進

兩兄弟今季初度踏足港超，坦言「喺『東網』睇覺得好輕鬆，踢落並唔係咁。」雖然「文軒」今季暫時僅為流浪上陣1場，但他享受在後備席見證球隊的訓練成果：「7場聯賽見住班隊友同對手搏到盡，我都好激動！」今季已為晉峰披甲7場的「文政」，難忘「菁英盃」僅負冠忠南區一仗：「最尾我已經換咗出去，但畀人絕殺2比3，嗰刻諗如果自己仲喺場上，會唔會幫到手？」

談到目標，妹妹Krista搶着說：「要贏女子足球冠軍！」兩位哥哥則希望循序漸進。「文軒」謂：「努力等待機會，畀幾年時間自己試。」「文政」則表示：「暫時只想進步，唔想只係因為我係U22先可以踢菁英盃，而係因為我真係有能力！」