Carman得寵獲公司送大禮
組合Bingo成員Carman自參加《全民造星III》後人氣急升，經理人公司有感她潛力無限，特別送上演藝課程作鼓勵，希望她除了做跳唱歌手之外，更可「踩過界」向影視圈發展。日前她受訪時說：「收到公司呢份演藝課程大禮嗰刻，真係開心到跳起，近日我都好積極上堂學做戲，希望遲啲有機會拍到戲。（會唔會忽略咗跳唱方面？）又唔會，我入行嘅初心係鍾意演藝事業，覺得演戲同唱歌係互相影響同幫助嘅，所以缺一不可。」
至於新一年可有信心做公司一姐？她說：「唔敢當，太遙遠喇。」又指參加比賽時，只想令外界重新認識自己，希望學更多新事物、吸收更多經驗。問可會擔心外界將她和隊友Odilia的成績作比較？她稱與對方雖同期出道又是隊友，不過工作路線不同，難以比較，亦不怕傳不和。