菊梓喬優秀選做贏家保住一姐位
歌手菊梓喬、王灝兒（JW）、連詩雅、吳業坤等昨日出席無綫《2020勁歌金曲優秀選第一回》錄影，共頒發25首得獎歌曲，以3首歌成為大贏家的菊梓喬力壓近日加盟的勁敵JW與吳若希，力保「星夢一姐」地位，男歌手則以胡鴻鈞兩首歌獲得最多獎項。
有指公司當日提出邀請JW加盟時，菊梓喬即舉手支持，她承認較大家早收到消息，歡迎JW加入這個大家庭，更希望有機會合唱，她說：「我同JW一個高音，一個低音，如果合唱應該幾特別。」問到可會寫歌給JW？菊梓喬則笑謂可寫高難度的歌曲考驗她：「相信佢嘅聲線，絕對可以駕馭到任何歌曲。」
吳業坤「逼走」JW
JW離開舊公司後首度與「前師弟」吳業坤同場，被取笑因為他加盟促使JW離開，JW說：「只係我哋Timing唔係好啱，都仲有合作機會。」吳業坤則笑說：「我出現之前Sunny（JW男友）已經出現咗。」只有一個獎的JW被問到獎項不及菊梓喬，她說：「今年只係出咗兩首歌，慢慢嚟啦，亦都冇話要爭，最緊要做出嚟嘅歌滿意。」
李施嬅與海俊傑的合唱歌同為他們帶來第一個勁歌獎項，出道多年的海俊傑笑說：「呢個係我入行廿幾年第一個勁歌獎項，出道攞咗新人銀獎，之後就冇再唱歌喇。」