藝人吳家樂客串無綫熱播劇《法證先鋒IV》，日前播出一場被盤問的戲，家樂演技大爆發受到讚賞，場口講述家樂因財失義，為錢安排女友殺害胞妹，事件被揭發遭飾演探員的朱晨麗破口大罵，同場還有譚俊彥，三人一場口供房對峙戲演得入木三分，成為網民熱話！
談到演技被激讚，家樂昨日回覆時謙稱：「我覺得自己演來未夠清晰，如果再拍可以再細膩啲，只要各監製畀機會嘅話，我唔介意演任何角色。」他坦言今次「唔夠喉」：「今次戲份集中喺口供房，我同妹妹、女友都冇對手戲、冇交流，角色嘅揣摩只靠我對劇本嘅理解。」
而劇中另一話題場面，要數日前朱晨麗於天台勇救服食迷幻藥而除剩黑Bra的女子，「黑Bra女」是訓練班新演員、現年30歲的趙璧渝。她自小父母異離，母親身兼父職獨力照顧三個女，趙璧渝為減輕媽媽負擔，就學時期已做兼職幫補家計，一次舞台劇工作令她愛上演戲，後參加無綫藝員訓練班入行。
另外，《法》金牌監製梅小青，將於6月1日榮休，她日前接受電台訪問，點名讚劇中多位演員，尤其黃浩然及譚俊彥：「家豪哥（丈夫劉家豪）好早同我講過浩然好有演員道德，我都好喜歡佢，佢係新一代演員嘅榜樣！」她又表示明白譚俊彥作為星二代的壓力，讚他不負眾望，其中一場哭着洗碗回憶自己累死姐夫的戲，演技備受劇組認同。梅小青特別感謝謝賢的亮眼客串：「我係佢小粉絲，今回我臨別秋波托好友開口邀請，佢好快就答應。」