蔣家旻唔心足想搵第四者！

藝人羅天宇、蔣家旻及麥秋成昨日到觀塘宣傳音樂微電影《戀戀季節~冬至篇》，蔣家旻周旋於兩位緋聞男友之間，活動上重現片中麥秋成孭起她一幕，又被羅天宇公主抱，艷福無邊！不過，她笑言現實中兩個都唔要：「我想搵第三個男仔，集合佢兩個嘅優點，天宇好溫柔，但太慢吞吞，而且唔想阻住佢啲緋聞；阿成就好細心，但有啲Cool，不過呢種外冷內熱，好多女仔鍾意。」
被羅天宇公主抱時，蔣家旻笑到四萬咁口。
被羅天宇公主抱時，蔣家旻笑到四萬咁口。

麥秋成今次投資6位數兼自編自導自演，壓力甚大，羅天宇笑指他非常闊佬，最後一天在日本拍畢後趕返港，對方竟豪花6位數日圓包他搭的士，麥秋成即自嘲數口差，預了不能回本：「希望拍得好，之後續篇會有贊助。」

麥秋成重現孭起蔣家旻一幕。
  • 麥秋成重現孭起蔣家旻一幕。