新冠肺炎在日本爆發後出現搶購潮，現居東京的歌手陳美齡昨日受訪，她指便利店、藥房及超市的廁紙、廚房紙、衞生巾及口罩等均被掃光：「口罩喺網上買要成千蚊港幣一盒，好在有Fans寄畀我，我仲寄返港畀家姐。我本身有一盒紙巾，加埋公司畀嗰四卷都夠用，不過用完要早啲起身去超市試吓買，米同罐頭都好多人搶購。」
她慶幸有日本農民Fans常送米及水果給她，所以只需買菜及肉，不用太擔心糧食問題。同時讚日本人發揮互助精神，如有餐廳、旅舍、唱片舖向小朋友及家長提供免費服務。她希望疫情盡快過去，呼籲大家毋須「盲搶」，並為港人打氣：「祝身體健康，保持堅強，千祈唔好太過擔憂，否則會輸畀病毒，照顧多啲老幼，食多啲、瞓多啲。」