楊明陪思明回鄉 賀未來岳母生日
藝人莊思明與楊明之前本來打算去旅行，但由於時間關係，日前只返了思明的家鄉馬來西亞。思明做孝順女為媽咪舉辦生日派對，安排美酒、壽包及乳豬，有十多名親友到場，相當熱鬧！
思明昨日受訪，問到二人送了甚麼給母親？她說：「冇呀！因為太趕，不過我已經問咗媽咪想要乜嘢禮物，之後會送畀佢，我哋都寫咗張生日卡畀佢，不過我哋飛返去同佢慶祝，佢已經好開心，媽咪仲讚阿楊乖仔。」問父母有否催婚？她說：「冇喎！佢哋冇刻意咁講，但就話生日願望想啲仔女生多啲孫畀佢，但冇指明邊個。」思明與阿楊亦有在馬拉四處遊覽，更去了一間叫「黑風洞」的廟宇，該處有很多猴子，阿楊餵牠們時，更有一隻爬上他的膊頭不肯離開。
