35歲嘅閃電快翼 李康廉心態決定境界

猶記得當日理文開操，主教練陳曉明大讚「康廉」不論球場內外都保持着專業的態度。過去一個周日（1日）對香港飛馬，我們仍能看見這位將近36歲的球員，一如以往在綠茵場上風馳電掣般盤扭，年紀的增長似乎未有拖慢他的速度，但這一切並不是天賦或運氣，而是「康廉」日積月累的自我鍛煉：「我冇夜生活，好早瞓，食嘢都好注重，因為恢復慢，唔可以同啲後生一樣去食茶餐廳。我會飲多啲鮮榨果汁同食多啲蔬果、意粉等，令自己身體恢復得快啲，希望將自己嘅足球生命延續落去，我呢個年紀如果肯去Keep肯去做，其實都可以踢得到。」

「未贏過足球先生亦無憾！」

繼和富大埔、天水圍飛馬後再次遇上恩師陳曉明，「康廉」透露自己比7年前更清楚「陳Sir」的理念：「之前我唔叻，冇去諗訓練嘅目的，依家自己有教練牌，加上累積咗好多比賽經驗，會成日諗每個訓練到底想訓練啲咩，當你諗得多，自自然然會喺比賽中做多咗練習嘅嘢。」

「如果當年天水圍飛馬攞到聯賽冠軍，我好肯定嗰年嘅足球先生一定係李康廉！」主帥陳曉明這樣說。可是現實世界沒有時光機讓他們回到過去，把當年所有比賽再踢一次，縱使在過去12年的職業生涯從未獲得這項殊榮，但「康廉」已感心滿意足：「之前係有機會，但我唔會話係遺憾，因為我當年盡咗努力，其實我好滿足、好感恩，因為已經得到好多嘢。依家做唔做到足球先生都係其次，最希望喺理文幫到年輕球員進步。」

比賽動力踢畀囝囝睇

延續足球生命是李康廉最大的目標，一方面為了香港年輕球員，另一方面希望兒子Daniel見證自己比賽的時刻：「我之前帶過佢去睇波，佢好專心睇，我最想見到嘅，係囝囝睇我踢波。」

他亦強調不會逼兒子跟隨自己的步伐：「佢咩都會玩吓，幾鍾意踢波，雖然我係球員，但唔會迫佢踢波，睇佢自己鍾意，如果佢鍾意我就帶佢踢，如果唔鍾意就玩第二樣嘢。」

李康廉Profile

出生日期：1983年9月29日

身高：1米75

體重：60公斤

位置：翼鋒

曾效力球隊：和富大埔、天水圍飛馬、南華、太陽飛馬、東方龍獅

現效力球隊：理文

球衣號碼：7

圖/文：陳焌鏗