陳慧珊初任監製感激好友幫拖
陳慧珊（Flora）昨日與老公鍾家鴻（Mike）出席香港開電視活動，宣傳兩人自資、監製的節目《放學後》，節目訪問了十多位嘉賓包括宣萱、胡杏兒及吳鎮宇等，並到外地拍攝，希望帶出除了家教、學教外，更要終身自教。
Flora表示節目由構思到製作籌備達三年，感激超多朋友及單位幫手，每次提起都激動想喊：「杏兒佗緊第二胎，大住肚去英國拍，我哋好緊張，佢話老公好支持，覺得個節目好有意義！鎮宇就請我哋去佢屋企傾咗好多日，深入了解咗好多，佢係個好有哲學嘅人。」
首次做監製，Flora笑言由頭到尾都是挑戰，以前做演員可以任性，監製則要管理好多嘢：「仲要冇劇本，要同每個嘉賓傾好耐偈，為佢哋度身訂造故事。」今次有帶12歲女兒一同到英國及美國拍攝，夫妻倆因忙於剪接，犧牲了女兒的暑期旅行。
