犬童美乃梨健美女神

做人最緊要係有理想、有目標,咁樣人生先夠充實,而且成個人睇落特別有型有款有朝氣,溝女都容易啲。好似日本寫真界G奶美人犬童美乃梨咁,一心努力Keep Fit參加健美比賽,唔單止副偈變得無比火辣,仲能夠夢想成真,喺比賽中連奪兩個獎項添!

由頭索到尾

曾幾何時,小弟對追女仔可以話係全程投入,一旦發現目標就會瘋狂展開追求攻勢,同時努力做運動減肥,朋友們見到我咁弗,都會意識到我追緊女仔喇。而小弟其中一個至愛嘅日本寫真女郎犬童美乃梨係咪為咗溝仔而努力收身就唔知,但係佢家陣嘅身材真係索到足以稱霸寫真界呀!

今年25歲嘅美乃梨擁有一副嬌俏又帶稚氣嘅可愛童顏,本身已經好得人鍾意,整潔又溫文優雅嘅形象更令人印象深刻。不過,小弟相信美乃梨嘅身材更能夠令大家難以忘懷,事關佢以前仲係肥肥哋,家陣操到身材曲線玲瓏,四肢同腰肢都相當纖幼,但係胸前嘅純天然G奶依然飽滿堅挺又富彈手,認真係由頭索到落腳!

No.1美Body

犬童美乃梨喺2011年出道拍寫真,並且加入美少女團體「OS☆U」以名古屋為根據地發展,退團之後就繼續拍寫真,家陣所屬嘅團體就係G奶寫真妹組合「sherbet」。一路以來,美乃梨嘅演藝事業發展穩步上揚,期間佢亦不斷改變造型,例如由長髮美少女變成清爽短髮妹,身材亦愈來愈弗,肉地仲愈益結實,原因係佢一直希望突破自己,而早前更加嚟個重大突破添!

近年愛上健身嘅美乃梨早前參加「Summer Style Award」健美比賽,憑住弗爆身材成功奪得「情侶模特兒獎」以及「美容健身模特兒獎」,之後更被封為「寫真界No.1美Body」,可以話平地一聲雷!美乃梨表示參加健美比賽一直都係自己嘅夢想,未來希望可以開設一間健身中心添!在此祝福阿妹可以夢想成真,幫助多啲女仔變成健美索女啦!

社交網站

簡介:犬童美乃梨經常以性感姿勢登場,平日亦會同大波好姊妹橋本梨菜換上比堅尼四圍玩樂,想睇佢哋嘅性感照,可以Click上佢嘅社交網盡情欣賞。

網址:https://twitter.com/minorin656?lang=ja

犬童美乃梨Profile

年齡:25歲

身高:5呎2吋

三圍:34G-22-33

撰文:賢