劉小慧歡迎家人「路過」
退出娛樂圈多年的前歌手劉小慧昨日孖好友Andy首次開Facebook Live，老公蘇志威到場支持，好友周勵淇、黎瑞恩也有觀看直播。
小慧自言一星期前才決定開網上直播，分享生活小貼士及中醫知識，但無意復出幕前：「我做嘢好隨心，唔想有任何承諾，做直播冇目的，只係想將我接觸到呢個世界嘅好嘢同大家分享，係一個正能量，唔一定要捐錢，錢唔係一切。」至於會否邀請老公及圈中好友亮相？她說下次會在家中直播，屆時老公定必露面，亦不介意讓女兒上鏡：「不過呢個Facebook我先係主角，其他人都係路人甲乙丙，佢哋鍾意都可以路過。」
日後她會定期開直播，分享生活用品及中醫知識：「西藥食得多會傷肝腎，中醫有啲自然療法，好過食化學嘢，我都有教屋企人一啲急救嘅穴位。」