彭秀慧換錯衫後台險鬧交

舞台劇演員兼導演彭秀慧前晚在葵青劇院主演獨腳戲《月球下的人》首場，獲英皇老闆楊受成、藝人容祖兒、古巨基、蔡卓妍及湯怡等撐場，彭秀慧表示今次是第三度公演，每次都很享受做獨腳戲，盡情享受舞台。今次演出九場的她，雖然舞台劇經驗豐富，但坦言都有緊張時刻：「有換錯衫呀！On show中間同個服裝鬧交咁滯，佢話唔使換，我記得係要，結果遲咗幾秒出場，呢套戲係全場冇停過，係辛苦，頭場順利完成，相信之後都會Good Show！」又表示完成此劇後，今年將會專心籌備執導下部電影。