林超賢《紅海》領兵瘦10磅 恨攞導演獎補數
林超賢憑執導英皇電影《紅海行動》獲本屆金像獎「最佳導演」提名，對獎項抱平常心，但至今仍對當初台前幕後的共同努力心存感激，直言《紅》片續集題材正在醞釀中，蓄勢待發。
「魔鬼導演」林超賢執導的《紅》片錄得全球45億2,400萬港元票房，先後獲得多個電影獎項，更令他提名《第38屆香港電影金像獎》的「最佳導演」，力戰陳果、陳詠燊、陳小娟及莊文強。談到20年前夥拍陳嘉上執導《野獸刑警》已曾勇奪該獎，近年他個人亦屢次獲得提名，他坦言：「我成日都話上次只係攞咗半個獎，咁梗係恨攞番個畀自己啦，不過都係平常心，總之入得圍嘅，個個都有機會。」由於已出發到墨西哥拍新片《緊急救援》外景，他笑言要向監製爭取，希望屆時能抽空返港出席盛會。
對於近年港產題材的電影抬頭，身為香港導演執導一部內地元素的軍事電影，林超賢不諱言電影上映期間，聽到不同的聲音，難怪他表示倘若屆時真的獲獎，會在台上衷心感激所有支持者，以及與他捱苦奮鬥的台前幕後。
個半月臘腸送飯
《紅》片由籌備到完成花了一整年時間，當中最困難莫過於「領兵」﹕「要帶領一大班人，不時被雜務煩擾，摩洛哥外景嘅生活條件亦好打擊士氣，喺當地我可以話食咗人生中最多嘅白飯同臘腸，情緒試過波動更瘦咗10磅，係好好嘅試煉。但係接到呢個題材，心情興奮嘅，感覺新鮮同埋覺得係挑戰。（再揀一次都會拍？）會，但會揀過外景地方，當初決定去摩洛哥，係因為好多美國軍事電影都去嗰度取景，但後嚟我先發現，人哋只會留一星期，邊似我咁拍足個幾月！」
試新嘢累積經驗
他亦指《紅》片上映前，自己只努力拍好每個鏡頭，完全沒有預計到票房會如此成功。談到不時有消息指會開拍續集，他大方透露：「係有咁嘅事，正在洽談中，接觸同醞釀緊啦，最快會喺明年成事。其實每套電影都會為我累積到一啲得着，好以依家我拍《緊》片都喺度試緊啲新嘢，希望攞到相關實戰經驗，令我開拍《紅海2》時更加成熟。」