陳瀅報喜加國置業搵對象
藝人陳瀅、胡楓、羅蘭及張子丰昨日出席活動，陳瀅透露目標是35歲前結婚，現時29歲尚有幾年可努力。早前她放假兩星期返加拿大過農曆新年，再次被92歲婆婆催婚：「佢夢想係見到我開枝散葉，我覺得呢啲嘢唔急得。（你會揀緋聞男友羅天宇定陳家樂？）兩個都唔係，我仲係單身，呢一刻冇人追！」
不過，她表示有好消息要宣布：「我完成咗婆婆另一個心願，就係置業，睇中咗一間屋，只爭啲文件未處理好。間樓幾十萬加幣，嗰邊買平過香港好多！第一次置業值得慶祝，但開心咗一陣就覺得好大壓力，供樓好大負擔！（結婚對象都要揀有樓？）我依家都有啦！我覺得愛情唔好咁物質，最緊要溝通到，啱嘅時候遇到啱嘅人，結婚同拍拖唔同，依家想搵結婚對象。」