林嘉欣做導遊觀鯨變專家
女星林嘉欣之前於澳洲為英皇電影《廉政風雲 煙幕》拍攝時，趁空組團四處遊覽，更充當「導遊」帶大家出海看鯨魚及逛動物園等，嗜甜的嘉欣更萬歲請大家吃「魚生」蛋糕。
英皇電影《廉政風雲 煙幕》截至昨晚10時，票房已直逼3,000萬，成績理想，此片除了香港戲份，亦遠赴澳洲展開為期一個月的外景拍攝，主要是林嘉欣與張家輝的戲份。
行悉尼橋攞證書
嘉欣受訪時坦言於當地拍戲非常舒服，加上有工會關係，劇組一星期只開工5日，該時段又撞正不少公眾假期，試過出現連續三日假期，故在足夠休息情況下，便聯同外景團隊四出旅遊，如逛美術館、動物園、出海觀鯨及餵海鷗等，畏高的她更主動挑戰行悉尼大橋：「我哋一行四個女仔行咗三個鐘，行到頂尖時真係腳軟，有一刻真係坐咗喺地下，因為有個位係半透明平台，靠助手不斷幫我分散注意力先完成到，仲有張證書添，好開心！」
家輝嘲似「魚生」蛋糕
出海觀鯨時，嘉欣就變身「林導遊」，有觀鯨經驗的她今次出海，興奮地邊睇邊講解觀鯨貼士及影相：「以前我喺阿拉斯加睇過，當時坐大船，睇鯨魚係人要少、船要細，唔係就會嚇親啲鯨魚。」她和家輝為了慰勞一班工作人員，經常「萬歲」，有次嘉欣請大家吃蛋糕，不過家輝一看竟搞笑說：「嘩！點解咁似魚生嘅？」令嘉欣失笑！嗜甜的嘉欣，一向勤做運動，在澳洲亦不例外，還大玩滑雪機，難怪食極唔肥啦！